ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠠᠶᠠᠯᠠᠯ ᠵᠢᠭᠤᠯᠴᠢᠯᠠᠯ
ᠱᠠᠭᠠᠵᠠᠭᠠᠢ ᠶᠢᠨ ᠲᠤᠬᠠᠢ ᠲᠤᠮ ᠰᠢᠪᠰᠢᠯᠬᠡ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2018/8/31
     ᠮᠤᠩᠭᠤᠯᠴᠤᠳ ︽ᠱᠠᠭᠠᠵᠠᠭᠠᠢ ᠱᠠᠬᠰᠢᠪᠠᠯ ᠰᠠᠶᠢᠨ ᠴᠢᠮᠡᠭᠡ ᠰᠤᠨᠤᠰᠤᠨ᠎ᠠ︕︾ ᠬᠡᠵᠦ᠂  ᠮᠤᠷᠢᠨ  ᠪᠤᠯᠠᠭᠠᠨ  ᠲᠡᠬᠡᠷ᠎ᠠ ᠱᠠᠭᠠᠵᠠᠭᠠᠢ ᠰᠠᠭᠤᠵᠤ ᠱᠠᠬᠰᠢᠬᠤ ᠪᠤᠶᠤ ᠦᠳᠡ ᠶᠢᠨ ᠦᠶ᠎ᠡ ᠳᠤ ᠱᠠᠬᠰᠢᠪᠠᠯ ︽ᠠᠯᠤᠰ ᠠᠴᠠ ᠵᠤᠴᠢᠨ ᠢᠷᠡᠨ᠎ᠡ︕︾  ᠬᠡᠳᠡᠭ᠃ ᠱᠠᠭᠠᠵᠠᠭᠠᠢ ᠶᠢᠨ ᠰᠡᠬᠦᠯ ᠬᠠᠮᠢᠭᠠᠰᠢ ᠪᠠᠨ ᠬᠠᠨᠳᠤᠵᠤ ᠪᠠᠶᠢᠪᠠᠯ ᠲᠡᠷᠡ ᠵᠦᠭ ᠠᠴᠠ ᠵᠤᠴᠢᠨ ᠢᠷᠡᠨ᠎ᠡ᠂ ᠱᠠᠭᠠᠵᠠᠭᠠᠢ ᠶᠢᠨ  ᠲᠤᠯᠤᠭᠠᠢ ᠬᠡᠷ ᠵᠦᠭ ᠬᠠᠨᠳᠤᠵᠤ ᠪᠠᠶᠢᠬᠤ ᠶᠢ ᠭᠠᠳᠠᠬᠰᠢ ᠶᠠᠪᠤᠬᠰᠠᠨ ᠬᠦᠮᠦᠨ ᠬᠠᠷᠢᠵᠦ ᠢᠷᠡᠬᠦ ᠶᠢᠨ  ᠪᠡᠯᠬᠡᠳᠡᠯ  ᠬᠡᠳᠡᠭ᠃  ᠤᠢᠢᠷᠠᠳᠴᠤᠳ ᠨᠠᠷᠠ ᠭᠠᠷᠬᠤ ᠶᠢᠨ ᠡᠮᠦᠨ᠎ᠡ  ᠱᠠᠭᠠᠵᠠᠭᠠᠢ  ᠱᠠᠬᠰᠢᠪᠠᠯ  ︽ᠤᠯᠠᠭ᠎ᠠ  ᠭᠠᠷᠤᠨ᠎ᠠ︕︾᠂  ᠦᠳᠡ ᠶᠢᠨ  ᠦᠶ᠎ᠡ ᠳᠤ  ᠱᠠᠬᠰᠢᠪᠠᠯ ︽ᠬᠡᠶᠢᠴᠢᠨ ᠢᠷᠡᠨ᠎ᠡ︕ ᠰᠦᠨᠢ ᠱᠠᠬᠰᠢᠪᠠᠯ ︽ᠡᠪᠡᠳᠴᠢᠨ ᠵᠤᠪᠠᠯᠠᠩ ᠤᠷᠢᠶᠠᠨ᠎ᠠ︕︾ ᠬᠡᠳᠡᠭ᠃ ᠲᠡᠷᠡ ᠮᠦᠷᠳᠡᠬᠡᠨ  ᠪᠠᠶᠢᠭᠠᠯᠢ ᠴᠠᠭ ᠠᠭᠤᠷ ᠲᠠᠢ ᠬᠤᠯᠪᠤᠬᠳᠠᠭᠤᠯᠤᠨ ᠱᠠᠭᠠᠵᠠᠭᠠᠢ ᠶᠢᠨ ᠦᠢᠯᠡ ᠬᠦᠳᠡᠯᠬᠡᠬᠡᠨ ᠢ ᠨᠠᠷᠢᠨ ᠠᠵᠢᠬᠯᠠᠨ  ᠰᠢᠨᠵᠢᠯᠡᠭᠰᠡᠨ  ᠪᠠᠶᠢᠳᠠᠭ᠃ ᠲᠤᠬᠠᠢᠢᠯᠠᠪᠠᠯ ︽ᠵᠤᠨ ᠤ ᠤᠯᠠᠷᠢᠯ ᠳᠤ  ᠱᠠᠭᠠᠵᠠᠭᠠᠢ  ᠤᠯᠠᠨ  ᠱᠠᠬᠰᠢᠪᠠᠯ  ᠬᠤᠷ᠎ᠠ  ᠪᠤᠷᠤᠭᠠᠨ  ᠡᠯᠪᠡᠭᠰᠢᠨ᠎ᠡ᠃  ᠡᠪᠤᠯ  ᠡᠬᠦᠷ ᠵᠦᠭ ᠢᠶᠠᠨ ᠴᠦᠪᠦᠳᠡᠯ ᠤᠯᠠᠨ ᠵᠦᠬᠡᠬᠡᠪᠡᠯ ᠲᠡᠭᠷᠢ ᠬᠦᠢᠳᠡᠷᠡᠨ᠎ᠡ᠂ ᠬᠠᠪᠤᠷ ᠡᠬᠦᠷ ᠢᠶᠠᠨ ᠲᠡᠬᠡᠭᠰᠢ ᠬᠠᠨᠳᠤᠭᠤᠯᠵᠤ ᠪᠠᠷᠢᠵᠦ ᠪᠠᠶᠢᠪᠠᠯ ᠭᠠᠩ ᠵᠢᠯ ᠪᠤᠯᠤᠨ᠎ᠠ᠂ ᠬᠠᠵᠠᠭᠤ ᠲᠡᠰᠢ ᠪᠠᠨ ᠬᠠᠨᠳᠤᠭᠤᠯᠤᠨ ᠪᠠᠷᠢᠵᠤ ᠪᠠᠶᠢᠪᠠᠯ ᠪᠤᠷᠤᠭᠠᠨ ᠡᠯᠪᠡᠭ ᠵᠢᠯ ᠪᠤᠯᠤᠨ᠎ᠠ︕︾ ᠬᠡᠬᠦ ᠪᠤᠶᠤ ᠱᠠᠭᠠᠵᠠᠭᠠᠢ ︽ᠮᠦᠰᠦᠨ ᠲᠡᠬᠡᠷ᠎ᠡ ᠰᠠᠭᠤᠪᠠᠯ ᠲᠤᠯᠠᠭᠠᠨ ᠡᠪᠤᠯ ᠪᠤᠯᠤᠨ᠎ᠠ︕︾᠂ ︽ᠦᠷᠯᠦᠬᠡ ᠡᠷᠳᠡ ᠮᠤᠳᠤᠨ ᠲᠡᠬᠡᠷ᠎ᠡ  ᠰᠠᠭᠤᠵᠤ ᠱᠠᠬᠰᠢᠪᠠᠯ ᠪᠤᠷᠤᠭᠠᠨ ᠤᠷᠤᠨ᠎ᠠ︕︾  ᠬᠡᠳᠡᠭ᠃  ᠬᠤᠷᠴᠢᠨ  ᠵᠡᠬᠦᠨ  ᠭᠠᠷᠤᠨ  ᠬᠤᠶᠢᠳᠦ  ᠬᠤᠰᠢᠭᠤᠨ ᠤ ᠬᠢᠨ  ᠱᠠᠭᠠᠵᠠᠭᠠᠢ ᠦᠳᠡ ᠶᠢᠨ ᠡᠮᠦᠨ᠎ᠡ ᠱᠠᠬᠰᠢᠪᠠᠯ ᠰᠠᠶᠢᠨ ᠴᠢᠮᠡᠭᠡ ᠰᠤᠨᠤᠰᠤᠨ᠎ᠠ᠂ ᠦᠳᠡ ᠶᠢᠨ ᠬᠤᠶᠢᠨ᠎ᠠ ᠱᠠᠬᠱᠢᠪᠠᠯ ︽ᠮᠠᠭᠤ  ᠴᠢᠮᠡᠭᠡ  ᠰᠤᠨᠤᠰᠤᠨ᠎ᠠ︕︾  ᠬᠡᠵᠦ  ᠦᠵᠡᠳᠡᠭ ᠠᠴᠠ ᠱᠠᠭᠠᠵᠠᠭᠠᠢ ᠱᠠᠬᠰᠢᠬᠤ ᠶᠢ ᠰᠤᠨᠤᠰᠤᠬᠰᠠᠭᠠᠷ ︽ᠰᠠᠶᠢᠨ ᠠᠮᠠ᠂ ᠰᠠᠶᠢᠨ ᠠᠮᠠ︕︾ ᠬᠡᠵᠦ  ᠰᠢᠪᠰᠢᠳᠡᠭ᠃  ᠰᠢᠯᠢ ᠶᠢᠨ  ᠭᠤᠤᠯ ᠠᠶᠢᠮᠠᠭ ᠲᠤ ︽ᠰᠠᠶᠢᠨ ᠬᠡᠯᠡ᠂ ᠰᠠᠶᠢᠨ ᠬᠡᠯᠡ᠂ ᠰᠠᠭᠠᠷᠢᠨ ᠭᠤᠳᠤᠯ ᠤᠶᠤᠵᠤ ᠦᠭᠬᠦᠶ᠎ᠡ᠂ ᠪᠤᠵᠠᠭᠠᠢ ᠬᠡᠯᠡ᠂ ᠪᠤᠯᠢᠭᠠᠷᠢᠨ ᠭᠤᠳᠤᠯ ᠤᠶᠤᠵᠦ ᠦᠭᠬᠦᠶ᠎ᠠ︕︾ ᠬᠡᠵᠦ ᠰᠠᠶᠢᠨ ᠴᠢᠮᠡᠭᠡ ᠬᠦᠷᠬᠡᠵᠦ ᠢᠷᠡᠬᠦ ᠶᠢ ᠬᠦᠰᠡᠮᠵᠢᠯᠡᠨ  ︽ᠭᠤᠳᠤᠯ  ᠤᠶᠤᠵᠤ  ᠦᠭᠬᠦᠶ᠎ᠠ︕︾ ᠬᠡᠵᠦ ᠠᠮᠠᠯᠳᠤᠨ ᠰᠢᠪᠰᠢᠳᠡᠭ᠃               ᠮᠤᠩᠭᠤᠯᠴᠤᠳ ︽ᠱᠠᠭᠠᠵᠠᠭᠠᠢ ᠠᠯᠠᠪᠠᠯ ᠠᠩ ᠲᠤᠳᠠᠭᠠᠨ᠎ᠠ︕︾ ᠬᠡᠬᠦ  ᠪᠤᠶᠤ  ︽ᠬᠡᠶᠢᠮᠦᠷᠢ  ᠬᠡᠪᠳᠡᠨ᠎ᠡ︕︾  ᠬᠡᠵᠦ ᠦᠵᠡᠳᠡᠭ ᠠᠴᠠ ᠱᠠᠭᠠᠵᠠᠭᠠᠢ ᠶᠢ ᠬᠠᠷᠪᠤᠵᠤ ᠨᠠᠮᠨᠠᠬᠤ ᠶᠢ ᠴᠡᠬᠡᠷᠯᠡᠳᠡᠭ᠃
 
ᠢᠷᠡᠯᠲᠡ᠄ ︽ᠮᠤᠩᠭᠤᠯ ᠤᠯᠠᠮᠵᠢᠯᠠᠯᠳᠦ ᠲᠤᠮ ᠰᠢᠪᠰᠢᠯᠬᠡ︾ ᠬᠡᠬᠦ ᠨᠤᠮ ᠠᠴᠠ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠬᠠᠪᠤᠳᠤ ᠬᠠᠰᠠᠷ ᠲᠠᠢ ᠲᠠᠨᠢᠯᠴᠠᠬᠤᠢ
ᠬᠠᠰᠠᠷ ᠤᠨ ᠦᠵᠡᠯ ᠰᠠᠨᠠᠭ᠎ᠠ
ᠲᠡᠮᠦᠵᠢᠠ (1162 — 1227)
ᠲᠦᠮᠡᠳ ᠤᠨ ᠠᠯᠲᠠᠨ ᠬᠠᠭᠠᠨ
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备18001850号