ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠠᠶᠠᠯᠠᠯ ᠵᠢᠭᠤᠯᠴᠢᠯᠠᠯ
ᠮᠤᠩᠭᠤᠯ ᠤᠨ ᠤᠯᠠᠮᠵᠢᠯᠠᠯᠲᠤ ᠨᠤᠮᠤ ᠰᠠᠭᠠᠳᠠᠭ ᠤᠨ ᠲᠤᠬᠠᠢ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2018/8/30
     ᠬᠦᠮᠤᠨ ᠲᠦᠷᠤᠯᠬᠢᠲᠠᠨ ᠪᠤᠢ ᠪᠤᠯᠬᠤ ᠦᠶ᠎ᠠ ᠠᠴᠠ ᠠᠪᠤᠭᠠᠳ ᠮᠤᠩᠭᠤᠯᠴᠤᠳ ᠤᠨ ᠡᠪᠦᠭᠡ ᠳᠡᠬᠡᠳᠤᠰ  ᠨᠠᠬᠦᠳᠠᠯᠯᠠᠨ ᠮᠠᠯᠵᠢᠯᠬᠤ ᠠᠮᠢᠳᠤᠷᠠᠯ ᠪᠠ ᠠᠩ ᠠᠷᠢᠶᠠᠲᠠᠨ ᠢᠶᠠᠷ ᠰᠢᠮ᠎ᠠ ᠲᠡᠵᠢᠬᠡᠯ ᠪᠤᠯᠭᠠᠬᠤ ᠵᠠᠮ ᠢ ᠰᠤᠩᠭᠤᠭᠰᠠᠨ  ᠪᠠᠶᠢᠨ᠎ᠠ᠃ ᠡᠨᠠᠬᠦ ᠠᠮᠢᠳᠤᠷᠠᠯ ᠤᠨ ᠳᠤᠮᠳᠠ ᠲᠠᠳᠡᠨ ᠳᠤ ᠡᠷᠬᠡᠪᠰᠢ ᠬᠠᠷᠬᠢᠰ ᠬᠡᠷᠴᠡᠬᠡᠢ ᠠᠩ ᠠᠷᠢᠶᠠᠲᠠᠨ ᠠᠴᠠ ᠠᠮᠢ  ᠪᠠᠶ᠎ᠠ ᠪᠠᠨ ᠬᠠᠮᠠᠭᠠᠯᠠᠬᠤ ᠪᠤᠶᠤ ᠠᠩ ᠬᠦᠷᠤᠬᠡ ᠬᠢᠬᠦ ᠳᠤ ᠬᠡᠷᠡᠭᠰᠡᠬᠦ ᠪᠠᠭᠠᠵᠢ ᠬᠡᠷᠡᠭᠲᠠᠢ ᠪᠤᠯᠤᠭᠰᠠᠨ ᠤᠴᠢᠷ ᠤᠷᠲᠤ  ᠤᠳᠠᠭᠠᠨ ᠬᠤᠭᠤᠴᠠᠭᠠᠨ ᠤ ᠠᠮᠢᠳᠤᠷᠠᠯ ᠦᠢᠯᠠᠳᠤᠯᠬᠡ ᠶᠢᠨ ᠳᠤᠮᠳᠠ ᠠᠴᠠ ᠤᠶᠤᠨ ᠤᠬᠠᠭᠠᠨ ᠪᠠᠨ ᠬᠦᠳᠡᠯᠬᠡᠨ᠂  ᠤᠷ᠎ᠠ ᠮᠡᠷᠬᠡᠵᠢᠯ ᠵᠠᠷᠤᠵᠤ ︽ᠨᠤᠮᠤ ᠰᠠᠭᠠᠳᠠᠭ︾ ᠬᠡᠬᠦ ᠡᠨᠠᠬᠦ ᠪᠠᠭᠠᠵᠢ ᠶᠢ ᠡᠬᠦᠳᠤᠨ ᠪᠦᠲᠤᠬᠡᠵᠤ᠂ ᠬᠠᠷᠬᠢᠰ ᠬᠡᠷᠴᠠᠬᠡᠢ  ᠠᠩ ᠠᠷᠢᠶᠠᠲᠠᠨ ᠠᠴᠠ ᠪᠠᠶ᠎ᠠ ᠪᠠᠨ ᠬᠠᠮᠠᠭᠠᠯᠠᠭᠰᠠᠨ ᠪᠠ ᠬᠦᠴᠤ ᠬᠦᠯᠤᠰᠤ ᠭᠠᠷᠭᠠᠯ ᠦᠬᠡᠢ ᠠᠩ ᠬᠦᠷᠤᠭᠡᠰᠤ ᠶᠢ  ᠠᠩᠨᠠᠵᠤ ᠴᠢᠳᠠᠬᠤ ᠪᠤᠯᠵᠠᠢ᠃ ᠬᠠᠮᠤᠭ ᠤᠨ ᠡᠷᠲᠠᠨ ᠤ ︽ᠨᠤᠮᠤ ᠰᠠᠭᠠᠳᠠᠭ︾ ᠪᠤᠯ ᠽᠠᠨᠳᠠᠨ᠂ ᠬᠤᠰᠤ᠂ ᠬᠠᠷᠭᠠᠢ᠂  ᠤᠯᠢᠶᠠᠰᠤ᠂ ᠪᠤᠷᠭᠠᠰᠤ ᠵᠡᠷᠬᠡ ᠬᠠᠷᠢᠮᠬᠬᠠᠢ ᠴᠢᠨᠠᠷᠲᠠᠢ ᠮᠤᠳᠤ ᠪᠠᠷ ᠨᠤᠮᠤ ᠵᠠᠰᠠᠵᠤ᠂ ᠲᠠᠪᠢᠯᠬᠠᠢ᠂ ᠶᠠᠷᠭᠠᠢ᠂ ᠴᠢᠨᠳᠠᠨ᠂  ᠬᠠᠷ᠎ᠠ ᠮᠤᠲᠤ ᠵᠡᠷᠬᠡ ᠬᠠᠲᠠᠭᠤ ᠴᠢᠨᠠᠷᠲᠠᠢ ᠮᠤᠲᠤ ᠪᠠᠷ ᠰᠤᠮᠤ ᠵᠠᠰᠠᠵᠤ᠂ ᠦᠵᠤᠬᠦᠷ ᠢ ᠬᠤᠷᠴᠠ ᠱᠤᠪᠤᠭᠤᠷ ᠪᠤᠯᠭᠠᠵᠤ ᠂  ᠠᠷᠤ ᠲᠠᠯ᠎ᠠ ᠳᠤᠨᠢ ᠭᠤᠷᠪᠠᠯᠵᠢᠨ ᠰᠢᠪᠠᠭᠤᠨ ᠤ ᠦᠳᠤ ᠤᠭᠯᠠᠵᠤ ᠵᠠᠰᠠᠳᠠᠭ ᠪᠠᠶᠢᠨ᠎ᠠ᠃ ᠨᠤᠮᠤ ᠰᠠᠭᠠᠳᠠᠭ ᠤᠨ  ᠬᠦᠪᠴᠢ ᠶᠢ ᠮᠠᠯ᠂ ᠠᠩ ᠬᠦᠷᠤᠬᠡᠰᠤ ᠶᠢᠨ ᠠᠷᠠᠰᠤ ᠪᠤᠶᠤ ᠰᠢᠷᠪᠤᠰᠤ ᠪᠠᠷ ᠬᠢᠳᠡᠭ ᠪᠠᠶᠢᠨ᠎ᠠ᠃ ᠬᠦᠮᠤᠨ  ᠲᠦᠷᠤᠯᠬᠢᠲᠠᠨ ᠤ ᠨᠡᠶᠢᠬᠡᠮ ᠤᠨ ᠬᠦᠭᠵᠢᠯᠲᠠ ᠶᠢᠨ ᠳᠤᠮᠲᠠ ᠨᠤᠮᠤ ᠰᠤᠮᠤ ᠬᠦᠭᠵᠢᠵᠤ᠂ ᠦᠬᠡᠷ ᠤᠨ ᠡᠪᠠᠷ ᠨᠤᠮᠤ  ᠰᠠᠭᠠᠳᠠᠭ᠂ ᠬᠤᠯᠤᠰᠤᠨ ᠮᠤᠲᠤ ᠨᠢ ᠨᠤᠮᠤ ᠰᠠᠭᠠᠳᠠᠭ ᠪᠤᠯᠵᠤ᠂ ᠰᠤᠮᠤᠨ ᠦᠵᠤᠬᠦᠷ ᠲᠣ ᠵᠡᠰ᠂ ᠲᠠᠮᠤᠷ ᠤᠭᠯᠠᠬᠤ  ᠪᠤᠯᠤᠭᠰᠠᠨ ᠪᠠᠶᠢᠨ᠎ᠠ᠃ ᠡᠨᠠ ᠨᠢ ᠡᠷᠲᠠᠨ ᠤ ᠬᠠᠮᠤᠭ ᠤᠨ ᠠᠩᠬᠠᠨ ᠤ ᠨᠤᠮᠤ ᠰᠠᠭᠠᠳᠠᠭ ᠤᠨ ᠬᠡᠷᠡᠭᠯᠡᠬᠡᠨ ᠪᠤᠯᠬᠤ ᠶᠤᠮ᠃  ᠨᠤᠮᠤ ᠰᠠᠭᠠᠳᠠᠭ ᠤᠨ ᠤᠳᠠᠭᠠᠨ ᠬᠦᠭᠵᠢᠯᠲᠡ ᠶᠢᠨ ᠳᠤᠮᠳᠠ ᠠᠩ ᠬᠦᠷᠤᠭᠡᠰᠤ ᠠᠪᠠᠯᠠᠬᠤ᠂ ᠪᠠᠶ᠎ᠠ ᠪᠠᠨ ᠬᠠᠮᠠᠭᠠᠯᠬᠤ  ᠪᠠᠭᠠᠵᠢ ᠪᠠᠶᠢᠭᠰᠠᠨ ᠠᠴᠠ ᠪᠠᠨ ᠬᠦᠮᠤᠨ ᠲᠦᠷᠤᠯᠬᠢᠲᠠᠨ ᠤ ᠬᠠᠷᠢᠯᠴᠠᠨ ᠭᠠᠵᠠᠷ ᠨᠤᠲᠤᠭ᠂ ᠠᠰᠢᠭ ᠬᠤᠨᠵᠢᠭ᠂ ᠨᠡᠷ᠎ᠠ  ᠲᠦᠷᠤ ᠪᠤᠯᠢᠶᠠᠯᠳᠤᠬᠤ ᠲᠡᠮᠡᠴᠠᠯ ᠤᠨ ᠳᠤᠮᠳᠠ ᠬᠠᠷᠢ ᠶᠢᠨ ᠳᠠᠶᠢᠰᠤᠨ ᠢᠶᠠᠨ ᠤᠰᠠᠳᠬᠠᠬᠤ ᠵᠡᠪᠰᠡᠭ ᠪᠤᠯᠤᠨ  ᠬᠤᠪᠢᠷᠠᠭᠰᠠᠨ ᠪᠠ ᠵᠤᠭ᠎ᠠ ᠴᠡᠩᠬᠡᠯ ᠨᠠᠭᠠᠳᠤᠮ ᠤᠨ ᠳᠤᠮᠳᠠ ᠬᠦᠮᠤᠰ ᠡᠷ᠎ᠠ ᠴᠢᠳᠠᠯ ᠶᠢᠨ ᠰᠢᠯᠭᠠᠬᠤ ᠮᠦᠷᠦ᠋ᠢᠴᠡᠬᠡᠨ ᠤ  ᠨᠢᠬᠡ ᠤᠨᠴᠠᠭᠠᠢ ᠬᠦᠳᠡᠯᠬᠡᠬᠡᠨ ᠤ ᠲᠦᠷᠤᠯ ᠵᠦᠢᠯ ᠪᠤᠯᠵᠤ ᠬᠤᠪᠢᠷᠠᠭᠰᠠᠨ ᠪᠠᠶᠢᠨ᠎ᠠ᠃           ᠮᠤᠩᠭᠤᠯᠴᠤᠳ ᠨᠤᠮᠤ ᠰᠠᠭᠠᠳᠠᠭ ᠯᠤᠭ᠎ᠠ ᠶᠢᠨ ᠬᠤᠪᠢ ᠪᠠᠷᠢᠯᠳᠤᠯᠭ᠎ᠠ ᠬᠡᠵᠤ ᠶᠠᠷᠤ ᠨᠢ ᠮᠦᠩᠬᠡ ᠲᠡᠭᠷᠢ ᠠᠴᠠ  ᠵᠠᠶᠠᠭᠠᠭᠰᠠᠨ ᠦᠪ ᠪᠦᠲᠤᠬᠡᠯ ᠪᠤᠯᠬᠤ ᠶᠤᠰᠤᠲᠠᠢ᠃ ᠮᠤᠩᠭᠤᠯ ᠦᠨᠳᠤᠰᠤᠲᠠᠨ ᠨᠤᠮᠤ ᠰᠠᠭᠠᠳᠠᠭ ᠵᠤᠬᠢᠶᠠᠵᠤ  ᠬᠡᠷᠡᠭᠯᠡᠭᠰᠠᠨ ᠲᠤᠬᠠᠢ ᠭᠠᠳᠠᠭᠠᠳᠤ ᠳᠤᠲᠤᠭᠠᠳᠤ ᠶᠢᠨ ᠰᠤᠳᠤᠯᠤᠭᠠᠴᠢᠳ ᠤᠨ ᠤᠯᠠᠨ ᠦᠨᠳᠤᠰᠤ ᠪᠠᠷᠢᠮᠲᠠᠯᠠᠯ᠂  ᠰᠢᠨᠵᠢᠯᠡᠭᠡ ᠰᠤᠳᠤᠯᠤᠯ ᠳᠤ ᠰᠠᠭᠤᠷᠢᠯᠠᠭᠰᠠᠨ ᠶᠠᠩᠵᠤ ᠪᠦᠷᠢ ᠶᠢᠨ ᠬᠡᠯᠡᠯᠬᠡ ᠪᠠᠶᠢᠳᠠᠭ ᠪᠤᠯᠪᠠᠴᠤ ᠠᠯᠢ ᠡᠷᠲᠠ  ᠮᠤᠩᠭᠤᠯ ᠤᠨ ᠤᠭ ᠤᠭᠰᠠᠭ᠎ᠠ ᠪᠤᠯᠬᠤ ᠾᠦᠩᠨᠤᠴᠤᠳ ᠬᠠᠮᠤᠭ ᠤᠨ ᠤᠷᠢᠳᠦ ᠬᠡᠷᠡᠭᠯᠡᠵᠤ ᠪᠠᠶᠢᠭᠰᠠᠨ ᠲᠠᠤᠬᠡ  ᠲᠡᠮᠳᠡᠭᠯᠡᠯ ᠪᠠᠶᠢᠬᠤ ᠶᠤᠮ᠃ ᠳᠤᠮᠳᠠᠳᠤ ᠤᠯᠤᠰ ᠤᠨ ᠡᠷᠲᠠᠨ ᠤ ᠰᠤᠳᠤᠷ ᠪᠢᠴᠢᠭ ︽ᠰᠤᠳᠤᠷ ᠤᠨ ᠲᠡᠮᠳᠡᠭᠯᠠᠯ︾  ᠠᠴᠠ ᠨᠠᠰᠢ ︽ᠮᠤᠩᠭᠤᠯ ᠤᠨ ᠵᠠᠩ ᠠᠭᠠᠯᠢ ᠶᠢᠨ ᠲᠡᠮᠳᠡᠭᠯᠡᠯ︾ ᠳᠤ᠄ ︽ᠶᠢᠷᠲᠢᠨᠴᠤ ᠶᠢᠨ ᠬᠦᠮᠤᠨ᠂ ᠾᠦᠩᠨᠤ ᠶᠢᠨ  ᠳᠠᠪᠠᠮᠠᠭᠠᠢ ᠭᠤᠷᠪᠠᠨ ᠡᠷᠳᠡᠮ ᠢ ᠰᠤᠨᠤᠰᠪᠠᠯ ᠴᠦᠮ ᠡᠬᠦᠨ ᠢ ᠳᠡᠶᠢᠯᠬᠦᠶ᠎ᠠ ᠪᠠᠷᠬᠡ︾ ᠬᠡᠵᠤ ᠲᠡᠮᠳᠡᠭᠯᠡᠭᠰᠠᠨ ᠪᠠᠶᠢᠳᠠᠭ᠃  ᠠᠳᠠ ᠬᠡᠯᠠᠵᠤ ᠪᠠᠶᠢᠭ᠎ᠠ ᠭᠤᠷᠪᠠᠨ ᠡᠷᠳᠡᠮ ᠪᠤᠯ ᠳᠠᠷᠤᠢ ᠮᠤᠩᠭᠤᠯᠴᠤᠳ ᠤᠨ ︽ᠡᠷ᠎ᠠ ᠶᠢᠨ ᠭᠤᠷᠪᠠᠨ ᠨᠠᠭᠠᠳᠤᠮ︾  ᠪᠤᠯᠬᠤ ᠶᠤᠰᠤᠲᠠᠢ᠃ ᠡᠨᠠ ᠨᠢ ᠳᠠᠷᠤᠢ ᠮᠠᠨ ᠤ ᠡᠷᠡᠨ ᠠᠴᠠ ᠡᠮᠤᠨᠠᠬᠢ 4 — 3 ᠳ᠋ᠤᠭᠠᠷ ᠮᠢᠩᠭᠠᠨ ᠤ ᠠᠨᠢᠷ ᠡᠷᠲᠠ  ᠴᠠᠭ ᠲᠣ᠂ ᠮᠤᠩᠭᠤᠯ ᠤᠨ ᠨᠠᠬᠦᠳᠠᠯᠴᠢ ᠮᠠᠯᠴᠢᠳ ᠤᠨ ᠡᠪᠦᠭᠡ ᠳᠡᠬᠡᠳᠤᠰ ᠪᠤᠯᠬᠤ ᠾᠦᠩᠨᠤᠴᠤᠳ ︽ᠨᠤᠮᠤ ᠰᠠᠭᠠᠳᠠᠭ  ︾ ᠵᠤᠬᠢᠶᠠᠨ ᠪᠦᠲᠤᠬᠡᠵᠤ ᠬᠡᠷᠡᠭᠯᠠᠵᠤ ᠪᠠᠶᠢᠭᠰᠠᠨ ᠪᠠ ᠪᠠᠶ᠎ᠠ ᠶᠢᠨ ᠲᠠᠮᠢᠷ ᠤᠨ ᠬᠦᠳᠡᠯᠬᠡᠬᠡᠨ ᠤ ᠨᠢᠬᠡ ᠤᠨᠴᠠᠭᠠᠢ  ᠲᠦᠷᠤᠯ ᠵᠦᠢᠯ ᠪᠤᠯᠭᠠᠵᠤ᠂ ᠳᠡᠯᠠᠬᠡᠢ ᠬᠤᠷᠸ᠎ᠠ ᠳᠤ ᠠᠰᠤᠷᠤ ᠶᠡᠭᠡ ᠰᠤᠶᠤᠯ ᠢ ᠡᠬᠦᠳᠦᠭᠰᠠᠨ ᠪᠠᠶᠢᠵᠠᠢ᠃ ᠦᠢᠷᠠᠳ  ᠮᠤᠩᠭᠤᠯᠴᠤᠳ ᠤᠨ ᠳᠤᠲᠤᠷ᠎ᠠ 9 — 10 ᠵᠠᠭᠤᠨ ᠤ ᠦᠶ᠎ᠠ ᠳᠤ ᠵᠤᠬᠢᠶᠠᠭᠳᠠᠵᠤ ᠠᠮᠨ ᠪᠠᠷ ᠤᠯᠠᠮᠵᠢᠯᠠᠭᠳᠠᠵᠤ  ᠢᠷᠡᠭᠰᠠᠨ ᠳᠡᠯᠡᠬᠡᠢ ᠶᠢᠨ ︽ᠪᠠᠭᠠᠲᠤᠷᠯᠢᠭ ᠲᠤᠤᠯᠢ ᠶᠢᠨ ᠤᠷᠬᠢᠯ︾ ᠤᠨ ᠨᠢᠬᠡ ᠪᠤᠯᠬᠤ ︽ᠵᠢᠩᠭᠠᠷ ︾ ᠤᠨ  ᠲᠤᠤᠯᠢ ᠳᠤ ᠭᠠᠷᠳᠠᠭ ᠪᠠᠭᠠᠲᠤᠷᠴᠤᠳ ᠪᠦᠷ ᠨᠤᠮᠤ ᠰᠠᠭᠠᠳᠠᠭ ᠬᠡᠷᠡᠭᠯᠡᠳᠡᠭ ᠪᠠᠶᠢᠭᠰᠠᠨ ᠨᠢ ᠦᠯᠢᠬᠡᠷ ᠪᠦᠬᠦᠨ ᠳᠤ  ᠶᠠᠷᠢᠭᠳᠠᠳᠠᠭ᠃ ᠮᠠᠨ ᠤ ᠮᠤᠩᠭᠤᠯᠴᠤᠳ ᠨᠠᠬᠦᠳᠠᠯᠴᠢ ᠦᠨᠳᠤᠰᠤᠲᠠᠨ ᠤ ᠡᠷᠲᠠᠨ ᠤ ᠤᠯᠠᠮᠵᠢᠯᠠᠯᠲᠤ ᠰᠤᠶᠤᠯ ᠤᠨ  ᠦᠪ ᠢ ᠴᠢᠳᠠᠮᠡᠭᠠᠢ ᠪᠠᠷ ᠵᠠᠯᠭᠠᠮᠵᠢᠯᠠᠨ᠂ ᠪᠦᠲᠤᠬᠡᠯᠴᠢ ᠪᠠᠷ ᠬᠦᠭᠵᠢᠬᠦᠯᠵᠤ᠂ ᠤᠷᠲᠤ ᠤᠳᠠᠭᠠᠨ ᠵᠢᠯ ᠤᠨ ᠨᠠᠬᠦᠳᠠᠯ ᠤᠨ  ᠨᠤᠮᠤ ᠰᠠᠭᠠᠳᠠᠭ ᠢ ᠠᠰᠢᠭᠯᠠᠨ ᠬᠡᠷᠡᠭᠯᠡᠬᠦ ᠳᠦᠷᠢᠮ ᠭᠤᠷᠢᠮ ᠲᠤᠭᠲᠠᠭᠠᠵᠤ᠂ ᠬᠡᠷᠡᠭᠯᠡᠬᠦ ᠪᠠ ᠬᠦᠨᠳᠤᠳᠬᠡᠬᠦ ᠶᠢ  ᠴᠢᠬᠤᠯᠠᠴᠢᠯᠠᠭᠰᠠᠨ ᠪᠠᠶᠢᠳᠠᠭ᠃ ᠵᠢᠰᠢᠶᠠᠯᠡᠪᠠᠯ᠄ ᠨᠤᠮᠤ ᠰᠠᠭᠠᠳᠠᠭ ᠢ ᠴᠡᠪᠠᠷ ᠬᠠᠳᠠᠭᠠᠯᠠᠬᠤ᠂ ᠬᠦᠨᠳᠤᠳᠬᠡᠨ ᠲᠠᠬᠢᠬᠤ᠂  ᠮᠤᠩᠭᠤᠯ ᠬᠡᠷ ᠤᠨ ᠳᠡᠬᠡᠳᠤ ᠪᠠᠶ᠎ᠠ ᠶᠢᠨ ᠬᠠᠨ᠎ᠠ ᠳᠠᠭᠠᠨ ᠡᠯᠬᠦᠵᠤ᠂ ᠪᠠᠭ᠎ᠠ ᠬᠡᠤᠬᠡᠳ ᠢ ᠭᠠᠷ ᠬᠦᠷᠬᠡᠯᠳᠡᠭ ᠦᠬᠡᠢ  ᠤᠯᠠᠨ ᠶᠤᠰᠤ ᠪᠠᠶᠢᠳᠠᠭ ᠶᠤᠮ᠃            ᠨᠠᠶᠢᠲᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ 800 ᠵᠢᠯ ᠤᠨ ᠡᠮᠤᠨ᠎ᠠ᠂ ᠮᠤᠩᠭᠤᠯ ᠦᠨᠳᠤᠰᠤᠲᠠᠨ ᠤᠯᠠᠨ ᠤᠪᠤᠭ  ᠠᠶᠢᠮᠠᠭ ᠪᠠᠶᠢᠬᠤ ᠳᠤ᠂ ᠲᠡᠳᠡᠨ ᠤ ᠠᠵᠤ ᠠᠬᠤᠢ ᠠᠮᠢᠳᠤᠷᠠᠯ ᠨᠢ ᠭᠤᠤᠯᠳᠠᠭᠤ ᠨᠠᠬᠦᠳᠠᠯ ᠤᠨ ᠮᠠᠯ ᠠᠵᠤ ᠠᠬᠤᠢ ᠪᠠ  ᠠᠩ ᠬᠦᠷᠤᠬᠡ ᠠᠬᠤᠢ ᠬᠡᠵᠤ ᠬᠤᠶᠠᠷ ᠵᠦᠢᠯ ᠪᠠᠶᠢᠪᠠ᠃ ᠴᠢᠩᠬᠢᠰ ᠬᠠᠭᠠᠨ ᠮᠤᠩᠭᠤᠯ ᠢ ᠨᠢᠬᠡᠳᠬᠡᠭᠰᠠᠨ ᠤ ᠳᠠᠷᠠᠭ᠎ᠠ᠂  ᠬᠡᠳᠦ᠋ᠢᠪᠠᠷ ᠠᠩ ᠬᠦᠷᠤᠬᠡ ᠬᠢᠬᠦ ᠨᠢ ᠨᠠᠬᠦᠳᠠᠯ ᠮᠠᠯᠵᠢᠯ ᠲᠠᠰᠢ ᠰᠢᠯᠵᠢᠭᠰᠠᠨ ᠪᠤᠯᠪᠠᠴᠤ ᠠᠩ ᠬᠦᠷᠤᠬᠡ ᠬᠢᠬᠦ ᠳᠡᠭᠡᠨ  ᠨᠤᠮᠤ ᠰᠠᠭᠠᠳᠠᠭ ᠬᠠᠷᠪᠤᠳᠠᠭ ᠴᠢᠳᠠᠪᠤᠷᠢ ᠪᠠᠨ ᠦᠯᠡᠳᠡᠬᠡᠵᠤ ᠢᠷᠡᠪᠠ᠃ ᠲᠠᠤᠬᠡᠨ ᠳᠤ ᠨᠤᠮᠤ ᠰᠠᠭᠠᠳᠠᠭ ᠨᠢ ᠮᠤᠩᠭᠤᠯ  ᠬᠦᠮᠤᠨ ᠤ ᠠᠮᠢᠳᠤᠷᠠᠯ ᠳᠤ ᠳᠤᠲᠠᠭᠳᠠᠵᠤ ᠪᠤᠯᠤᠰᠢ ᠦᠬᠡᠢ ᠵᠡᠪᠰᠡᠭ ᠪᠠᠶᠢᠭᠰᠠᠨ ᠠᠴᠠ ᠬᠦᠮᠤᠰ ᠲᠡᠳᠡᠬᠡᠷ ᠰᠢᠯᠢᠳᠡᠭ  ᠬᠠᠷᠪᠤᠭᠠᠴᠢᠳ ᠢ ᠬᠦᠨᠳᠤᠳᠬᠡᠵᠤ᠂ ᠲᠡᠳᠡᠨ ᠢᠶᠠᠷ ᠨᠠᠶᠢᠷ ᠨᠠᠭᠠᠳᠤᠮ ᠳᠤ ᠬᠠᠷᠪᠤᠬᠤ ᠤᠷᠤᠯᠳᠤᠭᠠᠨ ᠤ ᠦᠵᠡᠬᠦᠯᠤᠯᠬᠡ  ᠭᠠᠷᠭᠠᠯᠭᠠᠳᠠᠭ ᠪᠠᠶᠢᠨ᠎ᠠ᠃ ᠲᠡᠬᠡᠬᠡᠳ ᠲᠡᠷᠠ ᠨᠢ ᠠᠭᠠᠵᠢᠮ ᠳᠠᠭᠠᠨ ᠮᠤᠩᠭᠤᠯ ᠦᠨᠳᠤᠰᠤᠲᠠᠨ ᠤ ᠨᠠᠶᠢᠷ ᠨᠠᠭᠠᠳᠤᠮ ᠤᠨ  ᠨᠢᠬᠡ ᠤᠨᠴᠠᠭᠠᠢ ᠲᠦᠷᠤᠯ ᠵᠦᠢᠯ ᠪᠤᠯᠤᠭᠰᠠᠨ ᠪᠠᠶᠢᠳᠠᠭ᠃ ᠲᠡᠷᠠ ᠦᠶ᠎ᠠ ᠳᠤ ᠴᠢᠩᠬᠢᠰ ᠬᠠᠭᠠᠨ ᠤ ᠳᠠᠬᠦᠦ ᠬᠠᠪᠤᠲᠤ  ᠬᠠᠰᠠᠷ ᠪᠤᠯ ᠲᠦᠷᠤ ᠶᠢᠨ ᠨᠡᠷ᠎ᠠ ᠲᠠᠢ ᠨᠤᠮᠤ ᠰᠠᠭᠠᠳᠠᠭ ᠬᠠᠷᠪᠤᠭᠠᠴᠢ ᠪᠠᠶᠢᠭᠰᠠᠨ ᠪᠦᠬᠡᠳ ᠬᠤᠶᠢᠨ᠎ᠠ ᠨᠢ ᠲᠠᠬᠦᠨ ᠤ  ᠠᠯᠳᠠᠷ ᠭᠠᠪᠢᠶ᠎ᠠ ᠶᠢ ᠲᠡᠮᠳᠡᠭᠯᠠᠨ ᠬᠦᠰᠢᠶ᠎ᠠ ᠴᠢᠯᠠᠭᠤ ᠪᠤᠰᠬᠠᠭᠰᠠᠨ ᠪᠠᠶᠢᠳᠠᠭ ᠰᠠᠨ᠃           ᠴᠢᠩᠬᠢᠰ ᠬᠠᠭᠠᠨ ᠤ ᠳᠠᠶᠢᠨ ᠪᠠᠶᠢᠯᠳᠤᠭᠠᠨ ᠤ ᠲᠤᠬᠠᠢ ᠭᠠᠳᠠᠭᠠᠳᠤ ᠳᠤᠲᠤᠭᠠᠳᠤ ᠶᠢᠨ ᠰᠤᠳᠤᠷ ᠲᠠᠤᠬᠡ ᠠᠴᠠ  ᠦᠵᠡᠪᠠᠯ ᠮᠤᠩᠭᠤᠯ ᠤᠨ ᠶᠡᠭᠡ ᠡᠵᠡᠨᠲᠤ ᠲᠦᠷᠤ ᠶᠢᠨ ᠴᠡᠷᠢᠭ ᠳᠠᠶᠢᠨ ᠤ ᠠᠭᠤᠤ ᠶᠡᠭᠡ ᠨᠢᠭᠤᠴᠠ ᠶᠢ ᠵᠠᠳᠠᠯᠤᠨ  ᠲᠠᠶᠢᠯᠬᠤ ᠳᠠᠭᠠᠨ᠄ ︽ᠮᠤᠩᠭᠤᠯ ᠴᠡᠷᠢᠭ ᠲᠣ ᠪᠠᠶᠢᠬᠤ ᠪᠠᠰᠠ ᠤᠨᠴᠠᠭᠠᠢ ᠬᠦᠴᠤᠨ ᠵᠦᠢᠯ ᠪᠤᠯ ᠳᠠᠷᠤᠢ ᠨᠤᠮᠤ  ᠰᠠᠭᠠᠳᠠᠭ ᠲᠠᠢ ᠬᠤᠯᠪᠤᠭᠳᠠᠯ ᠲᠠᠢ᠂ ᠲᠡᠷᠠ ᠵᠡᠪᠰᠡᠭ ᠵᠠᠰᠠᠬᠤ ᠳᠤ ᠳᠦᠬᠦᠮ᠂ ᠬᠡᠷᠡᠭᠯᠡᠬᠦ ᠳᠤ ᠠᠪᠰᠠᠷᠬᠠᠨ᠂ ᠠᠪᠴᠤ  ᠶᠠᠪᠤᠬᠤ ᠳᠤ ᠬᠦᠩᠬᠡᠨ᠂ ᠮᠤᠲᠤ ᠰᠢᠭᠤᠢ ᠲᠠᠢ ᠭᠠᠵᠠᠷ ᠪᠦᠬᠦᠨ ᠳᠤ ᠰᠤᠮᠤ ᠪᠠᠶᠢᠬᠤ ᠯᠠ ᠪᠤᠶᠠᠨ᠂ ᠲᠡᠷᠠ ᠦᠶ᠎ᠠ ᠶᠢᠨ  ᠲᠡᠭᠷᠢᠯᠢᠭ ᠵᠡᠪᠰᠡᠭ ᠪᠤᠯᠬᠤ ᠶᠤᠰᠤᠲᠠᠢ᠂ ᠨᠢᠭᠤᠴᠠ ᠪᠠᠷ ᠬᠠᠷᠪᠤᠬᠤ ᠳᠤ ᠳᠠᠭᠤ ᠭᠠᠷᠬᠤ ᠦᠬᠡᠢ᠂ ᠢᠯᠳᠤ ᠵᠢᠳᠠ  ᠠᠳᠠᠯᠢ ᠬᠤᠯᠠ ᠳᠤ ᠪᠤᠯᠬᠤ ᠦᠬᠡᠢ ᠪᠢᠰᠢ᠂ ᠲᠤᠭᠲᠠᠭᠰᠠᠨ ᠵᠠᠢ ᠳᠤ ᠪᠦᠷ ᠬᠡᠷᠡᠭᠯᠡᠵᠤ ᠪᠤᠯᠳᠠᠭ᠂ ᠤᠳᠤ ᠶᠢᠨ ᠫᠤᠤ  ᠵᠡᠪᠰᠡᠭ ᠭᠠᠷᠤᠭᠠᠳ ᠦᠬᠡᠢ ᠬᠦᠢᠲᠠᠨ ᠵᠡᠪᠰᠡᠭ ᠤᠨ ᠴᠠᠭ ᠦᠶ᠎ᠠ ᠶᠢᠨ ᠤᠨᠴᠠᠭᠠᠢ ᠬᠡᠷᠡᠭᠯᠡᠬᠡᠨ ᠤ ᠵᠡᠪᠰᠡᠭ ᠪᠠᠶᠢᠭᠰᠠᠨ  ᠶᠤᠮ᠃ ᠳᠠᠬᠢᠭᠠᠳ ᠬᠡᠯᠠᠪᠠᠯ ᠮᠤᠩᠭᠤᠯ ᠤᠨ ᠶᠡᠭᠡ ᠤᠶᠢᠯᠠᠰ ᠤᠨ ᠠᠮᠵᠢᠯᠲᠠ ᠬᠤᠷᠳᠤᠨ ᠮᠤᠷᠢᠨ ᠤ ᠨᠢᠷᠤᠭᠤᠨ  ᠳᠡᠬᠡᠷ᠎ᠠ ᠠᠴᠠ ᠡᠬᠢᠯᠡᠭᠰᠠᠨ ᠪᠤᠯ ᠨᠤᠮᠤ ᠰᠠᠭᠠᠳᠠᠭ ᠪᠤᠯ ᠮᠤᠷᠢᠨ ᠪᠠᠶᠢᠯᠳᠤᠭᠠᠨ ᠳᠤ ᠵᠤᠬᠢᠴᠠᠭᠰᠠᠨ ᠬᠠᠷᠪᠤᠵᠤ ᠨᠠᠮᠨᠠᠬᠤ  ᠵᠡᠪᠰᠡᠭ ᠪᠤᠯᠬᠤ ᠶᠤᠰᠤᠲᠠᠢ᠃ ᠲᠠᠤᠬᠡ ᠶᠢᠨ ᠮᠠᠲ᠋ᠧᠷᠢᠶᠠᠯ ᠢ ᠦᠨᠳᠤᠰᠤᠯᠡᠪᠠᠯ ᠬᠠᠷᠢ ᠶᠢᠨ ᠲᠠᠤᠬᠡᠴᠢᠳ ᠢᠩᠬᠢᠵᠤ  ᠪᠢᠴᠢᠭᠰᠠᠨ ᠪᠠᠶᠢᠳᠠᠭ᠃ ᠲᠡᠳᠡᠨ᠄ ︽ᠮᠤᠩᠭᠤᠯᠴᠤᠳ ᠬᠡᠤᠬᠡᠳ ᠪᠠᠨ 4 — 5 ᠨᠠᠰᠤᠲᠠᠢ ᠠᠴᠠ ᠨᠢ ᠠᠪᠤᠭᠠᠳ  ᠨᠤᠮᠤ ᠰᠠᠭᠠᠳᠠᠭ ᠪᠡᠯᠡᠳᠬᠡᠵᠤ ᠦᠭᠬᠦᠨ᠎ᠠ᠃ ᠦᠰᠴᠤ ᠲᠤᠮᠤ ᠪᠤᠯᠬᠤᠯᠠᠷ ᠨᠢ ᠳᠦᠷᠪᠠᠨ ᠤᠯᠠᠷᠢᠯ ᠤᠨ ᠡᠷᠬᠢᠯᠲᠠ ᠳᠤ  ᠠᠪᠠ ᠳᠤ ᠮᠤᠷᠳᠠᠭᠤᠯᠵᠤ ᠠᠩ ᠬᠦᠷᠤᠬᠡ ᠬᠢᠯᠬᠡᠨ᠎ᠠ᠃ ᠮᠤᠷᠢ ᠤᠨᠤᠭᠠᠳ ᠳᠠᠪᠬᠢᠵᠤ ᠪᠠᠶᠢᠭᠠᠳ ᠬᠤᠶᠠᠷ ᠲᠠᠯ᠎ᠠ ᠪᠠᠨ  ᠬᠠᠷᠪᠤᠨ᠎ᠠ᠃ ᠳᠦᠷᠤᠬᠡᠨ ᠳᠡᠬᠡᠷ᠎ᠠ ᠪᠠᠨ ᠪᠤᠰᠤᠭ᠎ᠠ ᠠᠭᠤᠯᠠ ᠮᠡᠲᠤ ᠪᠠᠲᠤ ᠪᠡᠭᠡ ᠵᠤᠭᠰᠤᠵᠤ ᠱᠤᠤᠬᠢᠬᠤ ᠰᠠᠯᠬᠢ ᠮᠡᠲᠤ  ᠬᠤᠷᠳᠤᠯᠠᠨ᠎ᠠ᠃ ᠮᠦᠨ ᠮᠤᠷᠢᠨ ᠤ ᠪᠠᠨ ᠵᠢᠯᠤᠭᠤ ᠶᠢ ᠪᠠᠷᠠᠭᠤᠨ ᠵᠠᠬᠦᠨ ᠲᠠᠶᠢᠰᠢ ᠪᠠᠨ ᠵᠠᠯᠠᠬᠤ ᠨᠢ ᠶᠠᠭ ᠯᠠ ᠨᠢᠰᠴᠤ  ᠪᠠᠶᠢᠭ᠎ᠠ ᠰᠢᠪᠠᠭᠤ ᠠᠳᠠᠯᠢ᠃ ᠲᠡᠶᠢᠮᠤ ᠠᠴᠠ ᠦᠬᠡᠷ᠎ᠠ ᠲᠠᠶᠢᠰᠢ ᠬᠠᠷᠪᠤᠵᠤ ᠪᠤᠢ ᠮᠦᠷᠲᠠᠯ᠎ᠠ ᠪᠠᠨ ᠨᠦᠬᠦᠬᠡ ᠲᠠᠶᠢᠰᠢ  ᠪᠤᠶᠤ ᠬᠤᠶᠠᠷ ᠲᠠᠶᠢᠰᠢ ᠡᠬᠡᠯᠵᠢᠯᠠᠨ ᠬᠠᠷᠪᠤᠬᠤ ᠴᠢᠳᠠᠪᠤᠷᠢ ᠲᠠᠢ︾ ᠬᠡᠵᠤ ᠪᠢᠴᠢᠭᠰᠠᠨ ᠪᠠᠶᠢᠳᠠᠭ᠃         ︽ᠬᠠᠭᠠᠭᠰᠠᠨ ᠰᠠᠭᠠᠳᠠᠭ ᠤᠨ ᠰᠤᠮᠤ ᠰᠢᠭ᠋᠂ ᠬᠤᠷᠳᠤᠨ ᠱᠠᠯᠠᠮᠠᠭᠠᠢ ᠡᠷ᠎ᠠ ᠪᠤᠯᠤᠭ︾ ᠬᠡᠬᠦ ᠢᠷᠤᠬᠡᠯ ᠤᠨ  ᠶᠤᠰᠤᠭᠠᠷ ᠮᠤᠩᠭᠤᠯᠴᠤᠳ ᠬᠡᠤᠬᠡᠳ ᠢᠶᠠᠨ ᠠᠯᠬᠤᠵᠤ ᠰᠤᠷᠬᠤ ᠠᠴᠠ ᠡᠬᠢᠯᠠᠨ ᠤᠨᠠᠭ᠎ᠠ ᠰᠠᠷᠪᠠ ᠲᠠᠢ  ᠨᠤᠴᠤᠯᠳᠤᠭᠤᠯᠵᠤ᠂ ᠬᠠᠷᠪᠤᠬᠤ ᠨᠠᠮᠨᠠᠬᠤ ᠲᠠᠳᠤᠯᠭ᠎ᠠ ᠬᠢᠯᠬᠡᠨ᠂ ᠴᠢᠳᠠᠯ ᠤᠬᠠᠭᠠᠨ ᠢ ᠨᠢ ᠰᠤᠷᠢᠭᠤᠯᠳᠠᠭ ᠡᠨᠠᠬᠦ  ᠤᠬᠠᠭᠠᠨᠲᠤ ᠮᠡᠷᠬᠡᠨ ᠦᠨᠳᠤᠰᠤᠲᠠᠨ ᠤ ᠰᠦᠰᠤ ᠵᠤᠷᠢᠭ᠂ ᠡᠷᠡᠯᠬᠡᠭ ᠬᠦᠴᠤ ᠶᠢ ᠬᠡᠨ ᠴᠤ ᠰᠡᠵᠢᠭᠯᠡᠰᠢ ᠦᠬᠡᠢ  ᠪᠠᠶᠢᠳᠠᠭ ᠤᠴᠢᠷ ᠳᠡᠯᠠᠬᠡᠢ ᠶᠢᠨ ᠬᠦᠮᠤᠰ ᠴᠤ ᠭᠠᠶᠢᠬᠠᠰᠢ ᠠᠯᠳᠠᠵᠤ ᠪᠠᠶᠢᠳᠠᠭ ᠰᠠᠨ᠃ ᠡᠨᠠ ᠨᠢ ᠳᠠᠷᠤᠢ ᠲᠡᠷᠠ ᠴᠠᠭ  ᠦᠶ᠎ᠠ ᠶᠢᠨ ᠪᠠᠶ᠎ᠠ ᠶᠢᠨ ᠲᠠᠮᠢᠷ᠂ ᠪᠤᠯᠪᠠᠰᠤᠨ ᠰᠤᠶᠤᠯ ᠪᠤᠯᠬᠤ ᠶᠤᠰᠤᠲᠠᠢ᠃ ᠨᠤᠮᠤ ᠰᠠᠭᠠᠳᠠᠭ ᠮᠤᠩᠭᠤᠯᠴᠤᠳ ᠤᠨ  ᠠᠮᠢᠳᠤᠷᠠᠯ᠂ ᠲᠦᠷᠤ ᠬᠦᠷᠤᠨ ᠪᠠᠶᠢᠭᠤᠯᠬᠤ᠂ ᠲᠠᠷᠠᠬᠠᠢ ᠪᠤᠲᠠᠷᠬᠠᠢ ᠠᠷᠠᠳ ᠢ ᠨᠢᠬᠡᠳᠬᠡᠬᠦ ᠳᠤ ᠪᠠᠯᠠᠷᠠᠰᠢ ᠦᠬᠡᠢ  ᠦᠢᠯᠠᠳᠤᠯ ᠦᠵᠡᠭᠦᠯᠦᠭᠰᠠᠨ ᠪᠠᠶᠢᠳᠠᠭ᠃ ᠴᠢᠩᠬᠢᠰ ᠬᠠᠭᠠᠨ ᠬᠦᠴᠤᠷᠬᠡᠭ ᠶᠡᠭᠡ ᠮᠤᠩᠭᠤᠯ ᠲᠦᠷᠤ ᠪᠠᠶᠢᠭᠤᠯᠤᠨ  ᠬᠡᠳᠤᠨ ᠦᠶ᠎ᠠ ᠪᠠᠷ ᠢᠶᠠᠨ ᠭᠠᠵᠠᠷ ᠨᠤᠲᠤᠭ ᠢᠶᠠᠨ ᠦᠷᠬᠡᠳᠬᠡᠨ᠂ ᠠᠽᠢᠶ᠎ᠠ᠂ ᠡᠧᠦ᠋ᠷᠦ᠋ᠫᠠ ᠶᠢ ᠳᠠᠶᠢᠯᠠᠬᠤ ᠠᠶᠠᠨ  ᠳᠠᠶᠢᠨ ᠬᠢᠵᠤ ᠶᠠᠪᠤᠬᠤ ᠳᠠᠭᠠᠨ ᠨᠤᠮᠤ ᠰᠠᠭᠠᠳᠠᠭ ᠪᠤᠯ ᠲᠠᠬᠦᠨ ᠤ ᠴᠡᠷᠢᠭ ᠤᠨ ᠭᠤᠤᠯ ᠵᠠᠪᠰᠡᠭ ᠪᠦᠬᠡᠳ ᠠᠩ ᠠᠪᠠ  ᠬᠢᠬᠦ ᠪᠠᠭᠠᠵᠢ ᠪᠠᠶᠢᠭᠰᠠᠨ ᠬᠡᠳᠡᠭ ᠢ ᠲᠠᠤᠬᠡ ᠶᠢᠨ ᠰᠤᠳᠤᠷ ᠪᠢᠴᠢᠭ ᠲᠣ ᠲᠡᠮᠳᠡᠭᠯᠡᠵᠤ ᠪᠠᠶᠢᠳᠠᠭ᠃ ᠡᠨᠠ ᠨᠢ ᠠᠷᠪᠠᠨ  ᠭᠤᠷᠪᠠᠳᠤᠭᠠᠷ ᠵᠠᠭᠤᠨ ᠠᠴᠠ ᠠᠪᠤᠭᠠᠳ ᠠᠷᠪᠠᠨ ᠨᠠᠢᠮᠠᠳᠤᠭᠠᠷ ᠵᠠᠭᠤᠨ ᠤ ᠳᠤᠮᠳᠠᠴᠢ ᠬᠦᠷᠲᠠᠯ᠎ᠠ᠂ ᠪᠤᠲᠠᠲᠠᠢ ᠪᠠᠷ  ᠬᠡᠯᠠᠪᠠᠯ ᠵᠠᠬᠦᠠᠭᠠᠷ ᠬᠠᠭᠠᠨᠲᠤ ᠤᠯᠤᠰ ᠮᠦᠬᠦᠬᠦ ᠬᠦᠷᠲᠠᠯ᠎ᠠ ᠬᠡᠷᠡᠭᠯᠡᠭᠳᠡᠵᠤ᠂ ᠬᠤᠶᠢᠨ᠎ᠠ ᠴᠠᠭᠠᠭᠴᠢᠨ ᠭᠠᠭ᠋ᠠᠢ ᠵᠢᠯ ᠤᠨ  ᠬᠤᠪᠢᠰᠬᠠᠯ ᠬᠦᠷᠲᠠᠯ᠎ᠠ ᠰᠢᠨᠵᠢᠶᠠᠩ ᠨᠤᠲᠤᠭ ᠲᠣ ᠠᠮᠢᠳᠤᠷᠡᠵᠤ ᠪᠠᠶᠢᠭ᠎ᠠ ᠦᠬᠡᠯᠳ᠂ ᠲᠤᠷᠭᠤᠳ᠂ ᠴᠠᠬᠠᠷ᠂ ᠲᠤᠸᠠ᠂  ᠤᠷᠢᠶᠠᠩᠬᠠᠢ ᠵᠡᠷᠬᠡ ᠠᠶᠢᠮᠠᠭ ᠪᠠ ᠬᠦᠬᠡᠨᠠᠭᠤᠷ᠂ ᠬᠢᠩᠭᠠᠨ ᠵᠡᠷᠬᠡ ᠠᠭᠤᠯᠠᠷᠬᠠᠭ ᠤᠷᠤᠨ ᠳᠤ ᠬᠢᠯᠢ ᠬᠢᠵᠠᠭᠠᠷ ᠢᠶᠠᠨ  ᠬᠠᠮᠠᠭᠠᠯᠠᠬᠤ᠂ ᠠᠩ ᠠᠪᠠ ᠬᠢᠬᠦ ᠳᠤ ᠬᠡᠷᠡᠭᠯᠡᠵᠤ ᠪᠠᠶᠢᠭᠰᠠᠨ ᠢ ᠲᠠᠤᠬᠡ ᠶᠢᠨ ᠮᠠᠲ᠋ᠧᠷᠢᠶᠠᠯ ᠳᠤ ᠲᠤᠳᠤᠷᠬᠠᠢ  ᠲᠡᠮᠳᠡᠭᠯᠡᠭᠰᠠᠨ ᠪᠠᠶᠢᠳᠠᠭ᠃           ︽ᠴᠢᠩᠬᠢᠰ ᠬᠠᠭᠠᠨ ᠤ ᠴᠢᠯᠠᠭᠤᠨ ᠪᠢᠴᠢᠭ︾ ᠤᠨ ᠲᠡᠮᠳᠡᠭᠯᠡᠯ ᠢ ᠦᠨᠳᠤᠰᠤᠯᠡᠪᠠᠯ᠂ ᠮᠤᠩᠭᠤᠯ  ᠦᠨᠳᠤᠰᠤᠲᠠᠨ ᠤ ︽ᠨᠠᠭᠠᠳᠤᠮ ᠤᠨ ᠪᠠᠶᠠᠷ︾ ᠪᠤᠯ ᠮᠤᠩᠭᠤᠯ ᠬᠠᠭᠠᠨᠲᠤ ᠤᠯᠤᠰ ᠤᠨ ᠪᠠᠶᠢᠭᠤᠯᠤᠭᠳᠠᠭᠰᠠᠨ  ᠡᠬᠢᠯᠠᠯᠲᠠ ᠶᠢᠨ ᠦᠶ᠎ᠠ ᠳᠤ ᠡᠬᠦᠰᠦᠭᠰᠠᠨ ᠪᠠᠶᠢᠳᠠᠭ᠃ ᠨᠠᠶᠢᠲᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ 1206 ᠤᠨ ᠳᠤ  ᠴᠢᠩᠬᠢᠰ ᠢ ᠮᠤᠩᠭᠤᠯ ᠤᠨ ᠶᠡᠭᠡ ᠬᠠᠭᠠᠨ ᠢᠶᠠᠷ ᠡᠷᠬᠦᠮᠵᠢᠯᠠᠨ ᠰᠤᠩᠭᠤᠬᠤ ᠦᠶ᠎ᠠ ᠳᠤ ᠨᠤᠲᠤᠭ ᠤᠨ ᠠᠷᠠᠳ ᠤᠨ  ᠪᠠᠶᠠᠷᠯᠠᠭᠤᠯᠤᠨ ᠵᠢᠷᠭᠠᠵᠤ᠂ ᠴᠡᠷᠢᠭ ᠤᠨ ᠡᠩᠨᠡᠭᠡ ᠪᠠᠨ ᠰᠢᠯᠭᠠᠵᠤ ᠦᠵᠡᠬᠦ ᠶᠢᠨ ᠲᠦᠯᠤᠬᠡ ᠵᠢᠯ ᠪᠦᠷᠢ 7 — 8  ᠳ᠋ᠤᠭᠠᠷ ᠰᠠᠷ᠎ᠠ ᠶᠢᠨ ᠬᠤᠭᠤᠷᠤᠨᠳᠤ ︽ᠶᠡᠭᠡ ᠬᠤᠷᠠᠯᠳᠠᠢ︾ ᠬᠤᠷᠠᠯᠳᠤᠭᠤᠯᠵᠤ᠂ ᠡᠯ᠎ᠠ ᠠᠶᠢᠮᠠᠭ ᠤᠨ ᠠᠬᠠᠯᠬᠠᠴᠢ ᠶᠢ  ᠴᠤᠭᠯᠠᠭᠤᠯᠤᠨ ᠪᠦᠯᠬᠦᠮᠳᠠᠯ ᠪᠤᠯᠤᠨ ᠡᠶ᠎ᠡ ᠨᠠᠶᠢᠷ ᠢᠶᠠᠨ ᠪᠠᠲᠤᠳᠬᠠᠵᠤ᠂ ᠡᠯᠪᠡᠭ ᠬᠤᠷᠢᠶᠠᠯᠲᠠ ᠶᠢ ᠪᠡᠯᠬᠡᠯᠠᠬᠦ ᠶᠢᠨ  ᠲᠦᠯᠤᠬᠡ ︽ᠨᠠᠭᠠᠳᠤᠮ ᠤᠨ ᠪᠠᠶᠠᠷ︾ ᠬᠢᠵᠤ᠂ ︽ᠡᠷ᠎ᠠ ᠶᠢᠨ ᠭᠤᠷᠪᠠᠨ ᠨᠠᠭᠠᠳᠤᠮ︾ ᠶᠠᠪᠤᠭᠤᠯᠵᠤ᠂ ᠬᠤᠷᠳᠤᠨ  ᠮᠤᠷᠢ᠂ ᠠᠪᠤᠷᠭᠤ ᠪᠦᠬᠡ᠂ ᠮᠡᠷᠬᠡᠨ ᠬᠠᠷᠪᠤᠭᠠᠴᠢ ᠶᠢ ᠰᠢᠯᠭᠠᠨ ᠭᠠᠷᠭᠠᠳᠠᠭ ᠪᠠᠶᠢᠨ᠎ᠠ᠃ ᠡᠨᠠ ᠦᠶ᠎ᠠ ᠠᠴᠠ ᠡᠬᠢᠯᠠᠬᠡᠳ  ᠨᠤᠮᠤ ᠰᠠᠭᠠᠳᠠᠭ ᠬᠠᠷᠪᠤᠬᠤ ᠨᠢ ᠦᠨᠳᠤᠰᠤᠲᠠᠨ ᠤ ᠤᠯᠠᠮᠵᠢᠯᠠᠯᠲᠤ ᠪᠠᠶ᠎ᠠ ᠶᠢᠨ ᠲᠠᠮᠢᠷ ᠤᠨ ᠬᠦᠳᠡᠯᠬᠡᠬᠡᠨ ᠪᠤᠯᠵᠤ  ᠬᠦᠭᠵᠢᠭᠰᠡᠨ ᠪᠠᠶᠢᠨ᠎ᠠ᠃ ᠠᠷᠪᠠᠨ ᠲᠠᠪᠤᠳᠤᠭᠠᠷ ᠵᠠᠭᠤᠨ ᠤ ᠦᠶ᠎ᠠ ᠳᠤ ᠬᠦᠷᠤᠬᠡᠳ ᠡᠨᠡᠳᠬᠡᠭ᠂ ᠲᠦᠪᠠᠳ ᠢᠶᠠᠷ  ᠳᠠᠮᠵᠢᠨ ᠰᠢᠷ᠎ᠠ ᠶᠢᠨ ᠱᠠᠰᠢᠨ ᠮᠤᠩᠭᠤᠯ ᠨᠤᠲᠤᠭ ᠲᠣ ᠤᠷᠤᠵᠤ ᠢᠷᠡᠭᠰᠠᠨ ᠤ ᠳᠠᠷᠠᠭ᠎ᠠ ᠮᠤᠩᠭᠤᠯ ᠤᠨ ᠤᠯᠠᠮᠵᠢᠯᠠᠯᠲᠤ  ᠨᠠᠭᠠᠳᠤᠮ ᠤᠨ ᠬᠦᠷᠢᠶ᠎ᠠ ᠬᠡᠪᠴᠢᠶ᠎ᠠ ᠦᠷᠬᠡᠵᠢᠨ᠂ ︽ᠤᠪᠤᠭ᠎ᠠ ᠶᠢᠨ ᠲᠠᠬᠢᠯᠭ᠎ᠠ ᠶᠢᠨ ᠨᠠᠶᠢᠷ︾᠂ ︽ᠪᠤᠯᠠᠭ ᠤᠰᠤᠨ ᠤ  ᠲᠠᠬᠢᠯᠭ᠎ᠠ ᠶᠢᠨ ᠨᠠᠶᠢᠷ︾᠂ ︽ᠱᠠᠰᠢᠨ ᠶᠡᠭᠡ ᠨᠤᠮ ᠨᠡᠬᠡᠬᠡᠬᠦ ᠨᠠᠶᠢᠷ︾ ᠵᠡᠷᠬᠡ ᠤᠯᠠᠨ ᠵᠦᠢᠯ ᠤᠨ ᠨᠠᠶᠢᠷ ᠨᠠᠭᠠᠳᠤᠮ  ᠡᠷᠬᠢᠯᠠᠬᠦ ᠪᠤᠯᠵᠤ᠂ ᠡᠨᠠᠬᠦ ᠨᠠᠶᠢᠷ ᠨᠠᠭᠠᠳᠤᠮ ᠳᠠᠭᠠᠨ ᠶᠡᠭᠡ ᠨᠤᠮ ᠲᠠᠢ ᠯᠠᠮᠠ ᠨᠠᠷ ᠢ ᠵᠠᠯᠠᠵᠤ᠂ ᠤᠪᠤᠭᠠᠨ ᠲᠠᠬᠢᠯᠭ᠎ᠠ  ᠳᠡᠬᠡᠷ᠎ᠠ ᠬᠦᠵᠢ ᠵᠤᠯᠠ ᠠᠰᠠᠭᠠᠨ᠂ ᠪᠤᠷᠬᠠᠨ ᠲᠠᠬᠢᠵᠤ ᠨᠤᠮ ᠨᠡᠬᠡᠭᠡᠬᠦ ᠠᠴᠠ ᠭᠠᠳᠠᠨ᠎ᠠ ᠪᠠᠰᠠ ᠪᠤᠷᠬᠠᠨ ᠤ ᠢᠪᠡᠬᠡᠯ  ᠬᠦᠷᠲᠠᠬᠡᠯ ᠢ ᠭᠤᠶᠤᠴᠢᠯᠠᠭᠠᠳ᠂ ᠨᠤᠲᠤᠭ ᠨᠢᠷᠤᠭᠤᠨ ᠳᠤ ᠭᠠᠢ ᠪᠠᠷᠴᠢᠳ ᠢᠷᠡᠬᠦ ᠦᠬᠡᠢ᠂ ᠵᠤᠪᠠᠯᠠᠩ ᠭᠠᠰᠠᠯᠠᠩ  ᠠᠷᠢᠯᠬᠤ ᠶᠢ ᠬᠦᠰᠠᠨ ᠳᠠᠭᠠᠳᠬᠠᠳᠠᠭ᠃ ︽ᠪᠤᠯᠠᠭ ᠤᠰᠤᠨ ᠤ ᠲᠠᠬᠢᠯᠭ᠎ᠠ︾ ᠳᠠᠭᠠᠨ ᠭᠠᠩ ᠬᠠᠭᠤᠷᠠᠢ ᠵᠢᠯ ᠬᠤᠷ᠎ᠠ  ᠪᠤᠷᠤᠭ᠎ᠠ ᠭᠤᠶᠤᠳᠠᠭ ᠪᠠ ᠪᠤᠷᠬᠠᠨ ᠰᠠᠬᠢᠭᠤᠯᠰᠤᠨ ᠢ ᠪᠠᠶᠠᠰᠬᠠᠨ ︽ᠡᠷ᠎ᠠ ᠶᠢᠨ ᠭᠤᠷᠪᠠᠨ ᠨᠠᠭᠠᠳᠤᠮ︾ ᠶᠠᠪᠤᠭᠤᠯᠳᠠᠭ  ᠪᠠᠶᠢᠨ᠎ᠠ᠃           ᠶᠡᠭᠡ ᠶᠤᠸᠠᠨ ᠤᠯᠤᠰ ᠤᠨ ᠦᠶ᠎ᠠ ᠳᠤ ᠬᠦᠷᠤᠬᠡᠳ ︽ᠡᠷ᠎ᠠ ᠶᠢᠨ ᠭᠤᠷᠪᠠᠨ ᠨᠠᠭᠠᠳᠤᠮ︾ ᠨᠢᠭᠡᠨᠲᠠ  ᠮᠤᠩᠭᠤᠯ ᠤᠨ ᠲᠠᠯ᠎ᠠ ᠨᠤᠲᠤᠭ ᠲᠣ ᠦᠷᠬᠡᠨ ᠢᠶᠠᠷ ᠦᠷᠨᠢᠨ ᠳᠡᠯᠬᠡᠷᠡᠵᠤ᠂ ᠠᠭᠠᠵᠢᠮ ᠢᠶᠠᠷ ᠴᠡᠷᠢᠭ ᠤᠨ ᠪᠠᠶ᠎ᠠ ᠶᠢᠨ  ᠲᠠᠮᠢᠷ ᠤᠨ ᠤᠷᠤᠯᠳᠤᠭᠠᠨ ᠤ ᠲᠦᠷᠤᠯ ᠵᠦᠢᠯ ᠪᠤᠯᠤᠭᠰᠠᠨ ᠪᠠᠶᠢᠨ᠎ᠠ᠃ ᠶᠡᠭᠡ ᠶᠤᠸᠠᠨ ᠤᠯᠤᠰ ᠤᠨ ᠬᠤᠪᠢᠯᠠᠢ  ᠬᠠᠭᠠᠨ ᠤ ᠲᠤᠭᠲᠠᠭᠠᠯ ᠢᠶᠠᠷ ᠪᠤᠯ ᠮᠤᠩᠭᠤᠯ ᠡᠷᠡᠭᠲᠠᠶᠢᠴᠤᠳ ᠵᠠᠪᠠᠯ ᠪᠦᠬᠡ ᠪᠠᠷᠢᠯᠳᠤᠬᠤ᠂ ᠮᠤᠷᠢ ᠤᠷᠤᠯᠳᠤᠬᠤ᠂  ᠨᠤᠮᠤ ᠰᠠᠭᠠᠳᠠᠭ ᠬᠠᠷᠪᠤᠬᠤ ᠭᠤᠷᠪᠠᠨ ᠵᠦᠢᠯ ᠤᠨ ᠦᠨᠳᠤᠰᠤᠨ ᠮᠡᠷᠬᠡᠵᠢᠯ ᠴᠢᠳᠠᠪᠤᠷᠢ ᠶᠢ ᠪᠦᠷᠢᠯᠳᠤᠭᠦᠯᠦᠭᠰᠠᠨ ᠪᠠᠶᠢᠬᠤ  ᠬᠡᠷᠡᠭᠲᠠᠢ ᠬᠡᠵᠤ ᠱᠠᠭᠠᠷᠳᠠᠳᠠᠭ ᠪᠠᠶᠢᠨ᠎ᠠ᠃ ᠮᠠᠨᠵᠤ ᠴᠢᠩ ᠤᠯᠤᠰ ᠤᠨ ᠦᠶ᠎ᠠ ᠳᠤ ᠬᠦᠷᠤᠬᠡᠳ ︽ᠡᠷ᠎ᠠ ᠶᠢᠨ ᠭᠤᠷᠪᠠᠨ  ᠨᠠᠭᠠᠳᠤᠮ︾ ᠳᠡᠯᠠᠬᠡᠢ ᠳᠠᠶᠠᠭᠠᠷ ᠲᠠᠨᠢᠭᠳᠠᠵᠤ᠂ ᠮᠤᠩᠭᠤᠯ ᠦᠨᠳᠤᠰᠤᠲᠠᠨ ᠤ ᠢᠵᠠᠭᠤᠷ ᠤᠨ ᠤᠯᠠᠮᠵᠢᠯᠠᠯᠲᠤ ᠰᠤᠶᠤᠯ  ᠪᠤᠯᠤᠨ ᠬᠦᠭᠵᠢᠵᠤ᠂ ᠠᠭᠠᠵᠢᠮ ᠢᠶᠠᠷ ᠠᠯᠪᠠᠨ ᠠᠴᠠ ᠲᠤᠭᠲᠠᠭᠰᠠᠨ ᠬᠤᠭᠤᠴᠠᠭᠠᠨ ᠳᠤ ᠵᠤᠬᠢᠶᠠᠨ ᠪᠠᠶᠢᠭᠤᠯᠬᠤ ᠨᠠᠶᠢᠷ  ᠨᠠᠭᠠᠳᠤᠮ᠂ ᠪᠠᠶ᠎ᠠ ᠲᠠᠮᠢᠷ ᠤᠨ ᠬᠦᠳᠡᠯᠬᠡᠬᠡᠨ ᠪᠤᠯᠵᠠᠢ᠃ ᠲᠠᠬᠦᠨ ᠤ ᠬᠡᠪᠴᠢᠶ᠎ᠠ᠂ ᠬᠡᠯᠪᠠᠷᠢ ᠪᠤᠯᠤᠨ ᠠᠭᠤᠯᠭ᠎ᠠ ᠨᠢ  ᠤᠯᠠᠮ ᠨᠢᠬᠡ ᠠᠯᠬᠤᠮ ᠬᠦᠭᠵᠢᠭᠰᠡᠨ ᠪᠠᠶᠢᠨ᠎ᠠ᠃ ᠲᠤᠬᠠᠢ ᠶᠢᠨ ᠦᠶ᠎ᠠ ᠳᠤ ᠮᠤᠩᠭᠤᠯ ᠦᠨᠳᠤᠰᠤᠲᠠᠨ ᠤ ᠵᠡᠷᠬᠡ  ᠵᠢᠩᠰᠠ ᠲᠠᠢ ᠪᠠᠶᠢᠭᠰᠠᠨ ᠸᠠᠩ ᠬᠦᠩ᠂ ᠰᠤᠮᠤ᠂ ᠬᠤᠰᠢᠭᠤ᠂ ᠠᠶᠢᠮᠠᠭ ᠢᠶᠠᠷ ᠨᠢᠬᠡᠴᠢ ᠪᠤᠯᠭᠠᠵᠤ᠂ ᠬᠠᠭᠠᠰ ᠵᠢᠯ᠂  ᠨᠢᠬᠡ ᠵᠢᠯ ᠡᠰᠠᠪᠠᠯ ᠭᠤᠷᠪᠠᠨ ᠵᠢᠯ ᠳᠤ ᠨᠢᠬᠡ ᠤᠳᠠᠭ᠎ᠠ ︽ᠨᠠᠭᠠᠳᠤᠮ ᠤᠨ ᠨᠠᠶᠢᠷ︾ ᠡᠷᠬᠢᠯᠠᠵᠤ᠂ ︽ᠡᠷ᠎ᠠ ᠶᠢᠨ  ᠭᠤᠷᠪᠠᠨ ᠨᠠᠭᠠᠳᠤᠮ︾ ᠶᠠᠪᠤᠭᠤᠯᠵᠤ᠂ ᠤᠷᠤᠯᠳᠤᠭᠠᠨ ᠳᠤ ᠰᠢᠯᠭᠠᠷᠠᠭᠰᠠᠳ ᠢ ᠳᠡᠰ ᠬᠤᠪᠢᠶᠠᠨ ᠱᠠᠩᠨᠠᠯ ᠦᠭᠴᠤ  ᠴᠤᠯᠠ ᠤᠯᠭᠤᠨ᠎ᠠ᠃ ᠲᠡᠷᠠ ᠦᠶ᠎ᠠ ᠳᠤ ᠪᠦᠬᠦ ᠤᠯᠤᠰ ᠡᠯ᠎ᠠ ᠭᠠᠵᠠᠷ ᠤᠷᠤᠨ ᠳᠤ ᠪᠠᠶᠢᠭᠰᠠᠨ ᠮᠤᠩᠭᠤᠯᠴᠤᠳ ᠮᠠᠨᠵᠤ  ᠲᠦᠷᠤ ᠶᠢᠨ ᠪᠠᠶᠢᠭᠤᠯᠤᠭᠰᠠᠨ ᠰᠤᠮᠤ ᠢᠶᠠᠷ ᠵᠢᠵᠢᠭ ᠨᠢᠬᠡᠴᠢ ᠪᠤᠯᠭᠠᠨ ᠰᠤᠮᠤ ᠪᠦᠷᠢ ᠲᠠᠬᠢᠯᠭ᠎ᠠ ᠶᠢᠨ ᠤᠪᠤᠭ᠎ᠠ  ᠪᠤᠰᠬᠠᠵᠤ ᠵᠢᠯ ᠪᠦᠷᠢ ᠤᠪᠤᠭ᠎ᠠ ᠲᠠᠬᠢᠬᠤ ᠨᠠᠶᠢᠷ ᠬᠢᠵᠤ ︽ᠡᠷ᠎ᠠ ᠶᠢᠨ ᠭᠤᠷᠪᠠᠨ ᠨᠠᠭᠠᠳᠤᠮ︾ ᠢ ᠶᠠᠪᠤᠭᠤᠯᠵᠤ ᠨᠠᠷ᠎ᠠ  ᠴᠤᠯᠠ ᠤᠯᠭᠤᠬᠤ ᠪᠠ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠢᠶᠠᠷ ᠱᠠᠩᠨᠠᠳᠠᠭ ᠪᠦᠬᠡᠳ ᠰᠢᠯᠭᠠᠷᠠᠵᠤ ᠭᠠᠷᠤᠭᠰᠠᠳ ᠢ ᠬᠤᠰᠢᠭᠤ᠂  ᠠᠶᠢᠮᠠᠭ ᠤᠨ ︽ᠨᠠᠭᠠᠳᠤᠮ︾ ᠤᠨ ᠬᠦᠳᠡᠯᠬᠡᠬᠡᠨ ᠳᠤ ᠤᠷᠤᠯᠴᠠᠭᠤᠯᠳᠠᠭ ᠪᠠᠶᠢᠨ᠎ᠠ᠃ ᠡᠨᠡᠬᠦ ᠬᠦᠳᠡᠯᠬᠡᠬᠡᠨ ᠨᠢ ᠤᠳᠤ  ᠴᠤ ᠮᠤᠩᠭᠤᠯ ᠦᠨᠳᠤᠰᠤᠲᠠᠨ ᠤᠯᠠᠨ ᠪᠠᠶᠢᠳᠠᠭ ᠭᠠᠵᠠᠷ ᠤᠷᠤᠨ ᠳᠤ ᠤᠯᠠᠮᠵᠢᠯᠠᠭᠳᠠᠨ ᠶᠠᠪᠤᠭᠳᠠᠵᠤ ᠪᠠᠶᠢᠨ᠎ᠠ᠃  ᠡᠬᠦᠨ ᠠᠴᠠ ᠭᠠᠳᠠᠨ᠎ᠠ ᠰᠢᠨᠵᠢᠶᠠᠩ ᠤᠨ ᠤᠶᠢᠭᠤᠷ ᠦᠪᠠᠷᠲᠠᠬᠡᠨ ᠵᠠᠰᠠᠬᠤ ᠤᠷᠤᠨ ᠤ ᠠᠯᠲᠠᠢ ᠬᠤᠲᠠ ᠳᠤ  ᠠᠮᠢᠳᠤᠷᠡᠵᠤ ᠪᠠᠶᠢᠭ᠎ᠠ ᠴᠦᠬᠡᠨ ᠤᠷᠢᠶᠠᠩᠬᠠᠢ ᠶᠠᠰᠤᠲᠠᠨ ᠤᠳᠤ ᠬᠦᠷᠲᠠᠯ᠎ᠠ ᠨᠤᠮᠤ ᠰᠠᠭᠠᠳᠠᠭ ᠬᠠᠷᠪᠤᠬᠤ ᠢᠵᠠᠭᠤᠷ  ᠰᠤᠶᠤᠯ ᠶᠢᠨ ᠬᠠᠳᠠᠭᠠᠯᠠᠨ ᠴᠠᠭᠠᠨ ᠰᠠᠷ᠎ᠠ ᠶᠢᠨ ᠪᠠᠶᠠᠷ ᠢ ᠪᠡᠯᠬᠡᠯᠠᠨ ︽ᠮᠦᠰᠤᠨ ᠤ ᠨᠤᠮᠤ ᠰᠠᠭᠠᠳᠠᠭ︾ ᠬᠠᠷᠪᠤᠬᠤ  ᠪᠠᠶ᠎ᠠ ᠲᠠᠮᠢᠷ ᠤᠨ ᠬᠦᠳᠡᠯᠬᠡᠬᠡᠨ ᠢ ᠶᠠᠪᠤᠭᠤᠯᠳᠠᠭ ᠪᠠᠶᠢᠨ᠎ᠠ᠃ ᠬᠡᠬᠦ ᠳᠡᠭᠡᠨ ᠴᠠᠰᠤᠨ ᠤᠪᠤᠭ᠎ᠠ ᠪᠤᠰᠬᠠᠵᠤ᠂ ᠴᠠᠰᠤ ᠪᠠᠷ  ᠫᠠᠢ ᠵᠠᠰᠠᠵᠤ᠂ ᠬᠦᠮᠤᠰ ᠶᠢᠨ ᠬᠤᠶᠠᠷ ᠳᠤᠭᠠᠶᠢᠯᠠᠩ ᠬᠤᠪᠢᠶᠠᠵᠤ ᠮᠦᠷᠦ᠋ᠢᠴᠡᠬᠡᠨ ᠶᠠᠪᠤᠭᠤᠯᠳᠠᠭ ᠪᠠᠶᠢᠨ᠎ᠠ᠃  ᠮᠤᠩᠭᠤᠯᠴᠤᠳ ᠤᠨ ᠨᠤᠮᠤ ᠰᠠᠭᠠᠳᠠᠭ ᠬᠠᠷᠪᠤᠬᠤ ᠬᠦᠳᠡᠯᠬᠡᠬᠡᠨ ᠪᠤᠯ ᠦᠩᠬᠡᠷᠡᠭᠰᠠᠨ ᠤ ᠴᠢᠳᠠᠪᠤᠷᠢᠲᠠᠨ ᠢ ᠰᠢᠯᠢᠵᠤ  ᠰᠤᠩᠭᠤᠬᠤ ᠴᠢᠬᠤᠯᠠ ᠪᠠᠶ᠎ᠠ ᠲᠠᠮᠢᠷ ᠤᠨ ᠲᠦᠷᠤᠯ ᠵᠦᠢᠯ ᠤᠨ ᠨᠢᠬᠡ ᠪᠤᠯᠤᠨ᠎ᠠ᠃ ᠡᠷᠲᠠᠨ ᠤ ᠳᠠᠶᠢᠨ ᠤ ᠦᠶ᠎ᠠ ᠳᠤ  ᠨᠠᠭᠠᠳᠤᠮ ᠤᠨ ᠬᠤᠷᠠᠯ ᠬᠢᠬᠦ ᠪᠠᠷ ᠳᠠᠮᠵᠢᠵᠤ᠂ ᠴᠡᠷᠢᠭ ᠤᠨ ᠰᠠᠨᠠᠭ᠎ᠠ ᠰᠡᠳᠬᠢᠯ ᠢ ᠠᠮᠤᠷ ᠲᠠᠶᠢᠪᠤᠩ ᠪᠤᠯᠭᠠᠬᠤ ᠶᠢᠨ  ᠳᠠᠠᠭᠤ ᠴᠡᠷᠢᠭ ᠢᠶᠠᠨ ᠪᠤᠯᠪᠠᠰᠤᠷᠠᠭᠤᠯᠬᠤ᠂ ᠬᠠᠮᠤᠭ ᠤᠨ ᠡᠴᠤᠰ ᠲᠣ ᠴᠢᠳᠠᠪᠤᠷᠢᠲᠠᠨ ᠢ ᠰᠢᠯᠭᠠᠷᠠᠭᠤᠯᠵᠤ ᠠᠪᠳᠠᠭ᠃  ᠮᠤᠩᠭᠤᠯ ᠦᠨᠳᠤᠰᠤᠲᠠᠨ ᠪᠤᠯ ᠡᠷ᠎ᠠ ᠴᠢᠳᠠᠯ᠂ ᠡᠷᠡᠮᠡᠬᠡᠢ ᠵᠤᠷᠢᠭ ᠢ ᠴᠢᠬᠤᠯᠠᠴᠢᠯᠠᠬᠤ ᠦᠨᠳᠤᠰᠤᠲᠠᠨ ᠮᠦᠨ᠃          ᠡᠨᠠ ᠨᠢ ᠬᠠᠲᠠᠭᠤ ᠪᠡᠷᠬᠡ ᠪᠠᠶᠢᠭᠠᠯᠢ ᠶᠢᠨ ᠤᠷᠴᠢᠨ ᠳᠤ ᠵᠤᠬᠢᠴᠠᠯᠳᠤᠬᠤ ᠶᠢᠨ ᠲᠦᠯᠤᠬᠡ ᠤᠶᠢᠯᠠᠳᠪᠤᠷᠢᠯᠠᠯ  ᠠᠮᠢᠳᠤᠷᠠᠯ ᠤᠨ ᠳᠤᠮᠳᠠ ᠠᠭᠠᠵᠢᠮ ᠢᠶᠠᠷ ᠤᠷ᠎ᠠ ᠤᠬᠠᠭᠠᠨ ᠢᠲᠠᠬᠡᠯ ᠵᠤᠷᠢᠭ ᠢᠶᠠᠨ ᠪᠤᠯᠪᠠᠰᠤᠷᠠᠳᠠᠭ᠃ ᠡᠶᠢᠮᠤ ᠠᠴᠠ  ᠨᠤᠮᠤ ᠰᠠᠭᠠᠳᠠᠭ ᠨᠠᠮᠨᠠᠵᠤ ᠬᠠᠷᠪᠤᠬᠤ ᠬᠦᠳᠡᠯᠬᠡᠬᠡᠨ ᠪᠤᠯ ᠲᠡᠳᠡᠨ ᠤ ᠪᠠᠶ᠎ᠠ ᠵᠤᠷᠢᠭ ᠤᠨ ᠬᠠᠲᠠᠭᠤᠵᠢᠭᠤᠯᠬᠤ ᠬᠠᠮᠤᠭ  ᠰᠠᠶᠢᠨ ᠪᠠᠭᠠᠵᠢ ᠪᠤᠶᠤ ᠵᠠᠪᠰᠡᠭ ᠪᠤᠯᠬᠤ ᠶᠤᠰᠤᠲᠠᠢ᠃ ᠴᠢᠩᠬᠢᠰ ᠬᠠᠭᠠᠨ ᠶᠡᠭᠡ ᠮᠤᠩᠭᠤᠯ ᠲᠦᠷᠤ ᠶᠢ ᠪᠠᠶᠢᠭᠤᠯᠬᠤ  ᠶᠠᠪᠤᠴᠠ ᠳᠠᠭᠠᠨ ︽ᠨᠤᠮᠤ ᠰᠠᠭᠠᠳᠠᠭ︾᠂ ︽ᠬᠤᠷᠳᠤᠨ ᠮᠤᠷᠢ︾᠂ ︽ᠪᠠᠭᠠᠲᠤᠷ ᠬᠦᠴᠤᠲᠠᠨ︾ ᠨᠢ ᠡᠨᠠᠬᠦ  ᠳᠡᠯᠡᠬᠡᠢ ᠶᠢ ᠳᠤᠩᠰᠤᠯᠭᠠᠭᠰᠠᠨ ᠠᠶᠠᠨ ᠳᠠᠶᠢᠨ ᠳᠤ ᠬᠦᠨᠳᠤ ᠴᠢᠬᠤᠯᠠ ᠦᠢᠯᠠᠳᠤᠯ ᠦᠵᠡᠭᠦᠯᠦᠭᠰᠠᠨ ᠪᠠᠶᠢᠳᠠᠭ᠃  ᠡᠬᠦᠨ ᠳᠤ ︽ᠮᠡᠷᠬᠡᠨ ᠬᠠᠷᠪᠤᠭᠠᠴᠢ︾᠂ ︽ᠬᠤᠷᠳᠤᠨ ᠬᠦᠯᠦᠭ︾᠂ ︽ᠠᠪᠤᠷᠭᠤ ᠪᠦᠬᠡ︾ ᠪᠦᠷ ᠨᠠᠭᠠᠳᠤᠮ ᠤᠨ  ᠤᠷᠤᠯᠳᠤᠭᠠᠨ ᠢᠶᠠᠷ ᠳᠠᠮᠵᠢᠵᠤ ᠰᠢᠯᠭᠠᠷᠠᠨ ᠭᠠᠷᠳᠠᠭ ᠰᠠᠨ᠃ ᠡᠶᠢᠮᠤ ᠠᠴᠠ ︽ᠮᠤᠩᠭᠤᠯ ᠤᠨ ᠨᠢᠭᠤᠴᠠ ᠲᠤᠪᠴᠢᠶᠠᠨ︾  ᠳᠤ ᠲᠡᠮᠳᠡᠭᠯᠡᠵᠤ ᠪᠠᠶᠢᠭ᠎ᠠ ᠮᠤᠩᠭᠤᠯ ᠬᠠᠭᠠᠨᠲᠤ ᠤᠯᠤᠰ ᠪᠠᠶᠢᠭᠤᠯᠤᠭᠳᠠᠭᠰᠠᠨ ᠶᠡᠭᠡ ᠪᠠᠶᠠᠷ ᠶᠤᠰᠤᠯᠠᠯ ᠳᠡᠬᠡᠷ᠎ᠠ  ᠴᠢᠩᠬᠢᠰ ᠬᠠᠭᠠᠨ ᠨᠢ ︽ᠪᠡᠯᠬᠦᠲᠠᠢ ᠪᠦᠬᠡ᠂ ᠬᠠᠰᠠᠷ ᠬᠠᠪᠤ︾ ᠬᠡᠵᠤ ᠬᠡᠯᠡᠭᠰᠠᠨ ᠪᠠᠶᠢᠳᠠᠭ᠃ ᠡᠬᠦᠨ ᠠᠴᠠ ᠪᠢᠳᠠᠨ  ᠨᠤᠮᠤ ᠰᠠᠭᠠᠳᠠᠭ ᠢ ᠲᠤᠬᠠᠢ ᠶᠢᠨ ᠦᠶ᠎ᠠ ᠶᠢᠨ ᠬᠦᠮᠤᠰ ᠪᠦᠷ ᠤᠨᠴᠠᠭᠠᠢ ᠨᠢᠬᠡ ᠵᠦᠢᠯ ᠤᠨ ᠡᠷᠳᠡᠮ ᠴᠢᠳᠠᠪᠤᠷᠢ ᠪᠠᠷ  ᠦᠵᠡᠵᠤ ᠪᠠᠶᠢᠭᠰᠠᠨ ᠢ ᠮᠡᠳᠡᠵᠤ ᠪᠤᠯᠤᠨ᠎ᠠ᠃ ᠵᠣᠬᠢᠶᠠᠭᠴᠢ᠄  ᠣ  ᠂  ᠪᠠᠭᠠᠳᠣᠷᠨᠠᠶᠢᠷᠠᠭᠤᠯᠤᠭᠴᠢ᠄ ᠬᠠᠷᠠᠬᠦᠤ
 
ᠢᠷᠡᠯᠲᠡ᠄ ᠤᠯᠠᠭᠠᠨᠬᠳᠠ ᠮᠤᠩᠭᠤᠯ ᠰᠦᠯᠵᠢᠶ᠎ᠡ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠬᠠᠪᠤᠳᠤ ᠬᠠᠰᠠᠷ ᠲᠠᠢ ᠲᠠᠨᠢᠯᠴᠠᠬᠤᠢ
ᠬᠠᠰᠠᠷ ᠤᠨ ᠦᠵᠡᠯ ᠰᠠᠨᠠᠭ᠎ᠠ
ᠲᠡᠮᠦᠵᠢᠠ (1162 — 1227)
ᠲᠦᠮᠡᠳ ᠤᠨ ᠠᠯᠲᠠᠨ ᠬᠠᠭᠠᠨ
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备18001850号